Music

Dr. Spock - rokksveitin kattþrifna

Dr. Spock - rokksveitin kattþrifna

Rokksveitin kattþrifna Dr. Spock sendir frá sér plötuna Leður

Útgáfutónleikar á Húrra 16. febrúar

Nýtt lag Smyglar smjöri komið í spilun

Miðasala á tix.is

Oft var þörf en nú er nauðsyn. Í upphafi árs eru margir sorgmæddir og þurfa að taka til hendinni í tilverunni sinni. Guli hanskinn sinnir þörfinni og kynnir með stolti Leður nýja plötu með rokksveitinni kattþrifnu Dr. Spock. Platan kemur út á vínyl og á alnetinu 16. febrúar nk. 

 

Dr. Spock eru löngu landsfrægir fyrir hágæða rokktónlist. Sveitin býður enda upp á  allsherjar veislu fyrir auga, eyru og maga. Tónlistin á nýju plötunni bregður ekki út af vananum heldur bætir í. Framsækið furðurokk Dr. Spock tekur á sig nýjan og hraðari blæ, eins konar leðurklædda hraðsækni sem kveður við nýjan en þó kunnuglegan tón.

 

Lagið Smyglar smjöri sem komið er í spilun vekur spurningar en umfram allt gleði. Veitir ekki af.  Íslenska þjóðin á Dr. Spock svo sannarlega skilin.

 

Hápunktur hins spánýja og leðurklædda raunveruleika verða útgáfutónleikar á Húrra á útgáfudaginn 16. febrúar nk. Dr. Spock er með allra skemmtilegustu tónleikasveitum og verður ekkert sparað og öllu til tjaldað á Húrra þetta kvöld.

 

Miðasala er hafin á tix.is en þar má einnig tryggja sér vínylinn á sérstökum kostakjörum. Húrra er að vanda opið frá kl. 17 en dagskrá hefst kl. 21:00 og mun Dj Matti sjá um að hita upp gesti þangað til að Dr. Spock stígur á svið.  Stundvísir gestir fá glaðning frá glaðning á barnum. Leðurklæddir gestir fá alveg sérstakan glaðning.

 

Nefndin

 

INFORMATION

WHEN

This event has passed or has no registered occurrences.
Húrra}

VENUE

Húrra
Tryggvagata 22
101 Reykjavík
Connect with Húrra on Facebook

LOCATION